एनीटाइम फिटनेसची नवी मोहिम ‘बी फिट फेस्ट ४.०’*~ लोकांना पुन्हा फिटनेसच्या मार्गावर आणण्यासाठी घेतला पुढाकार ~*मुंबई, २३ नोव्हेंबर २०२५:* भारतातील सर्वांत मोठी आणि वेगाने वाढणारी 24×7 जिम चेन, एनीटाइम

 

फिटनेसने अलीकडेच एक हलकीफुलकी पण महत्त्वपूर्ण मोहीम सुरू केली आहे. ही मोहीम फिटनेस जगतातील एक सर्वत्र दिसणारे वास्तव अधोरेखित करते. अनेक जण उत्साहात जिम मेंबरशिप तर घेतात, परंतु व्यस्त दिनचर्या आणि जीवनशैलीतील बदलांमुळे नियमितपणे व्यायाम करण्यासाठी जिममध्ये पोहोचू शकत नाहीत.

या दरीची कारणे आणि त्यामुळे निर्माण होणारी ‘गिल्ट’ची भावना ओळखून, एनीटाइम फिटनेसने यंदा भावनिक स्पर्श असलेली ‘बी फिट फेस्ट 4.0’ ही मोहीम साकारली आहे. या मोहिमेचा मुख्य संदेश अतिशय स्पष्ट आणि प्रेरणादायी आहे—आधुनिक शहरांच्या धावपळीच्या जीवनशैलीत जिम सुटणे स्वाभाविक आहे; परंतु खऱ्या अर्थाने महत्त्वाचे म्हणजे पुन्हा एकदा सुरुवात करणे.

*कॅम्पेनबद्दल बोलताना एनीटाइम फिटनेस इंडिया चे मॅनेजिंग डायरेक्टर विकास जैन म्हणाले,* “या इंडस्ट्रीतील अनेक वर्षांच्या अनुभवातून मी निश्चितपणे सांगू शकतो की लोकांना फिट राहायचे असते, पण आयुष्य अनेकदा आडवे येते. विविध अभ्यासातूनही दिसून येते की लोक वर्षभराची मेंबरशिप घेतात, पण काही महिन्यांनंतर येणे बंद करतात. केवळ आमच्या मुंबईतील क्लब्समध्येच सुमारे 33% सक्रिय सदस्य व्यस्त दिनक्रम किंवा वैयक्तिक कारणांमुळे अनियमित होतात. या कॅम्पेनद्वारे आम्ही फक्त हेच सांगू इच्छितो—गिल्ट करू नका, पुन्हा सुरुवात करा. एकच वर्कआउट तुम्हाला पुन्हा रिदममध्ये आणू शकते. आम्ही मासिक सदस्यता देखील सुरू केली आहे, ज्यामध्ये संपूर्ण वर्षाची फी एकाच वेळी भरण्याऐवजी मासिक पैसे देण्याची सोय आहे, ज्यामुळे मोठ्या प्रमाणात एकरकमी पैसे भरण्यास कचरणाऱ्यांना सोपे होते.”

बी फिट फेस्ट ४.० अंतर्गत महाराष्ट्रातील सदस्यांसाठी एकूण फिटनेस अनुभव समृद्ध करण्यासाठी आकर्षक ऑफर्स उपलब्ध करून देण्यात आल्या आहेत. न्यूट्राबेवर ७०% पर्यंत सूट तसेच अतिरिक्त ७% सवलत दिली जात आहे, तर बोर्जेस व्हर्जिन ऑलिव्ह ऑइलवर किमान ५०% सूट मिळणार आहे. याशिवाय, टाटा १एमजीकडून व्यायामासाठी आवश्यक वस्तूंवर आणि वार्षिक फिटनेस आरोग्य तपासणी पॅकेजेसवर विशेष सवलतीची सुविधा उपलब्ध आहे. ही मोहीम सध्या मुंबईतील अनेक एनीटाइम फिटनेस क्लबमध्ये सुरू आहे, ज्यात मुलुंड, विलेपार्ले, प्रभादेवी, मालाड, गोरेगाव आणि केम्स कॉर्नर यांचा समावेश आहे.

देशात सर्वाधिक फिटनेस उत्साही आणि नियमित जिममध्ये जाणारे लोक महाराष्ट्रात आहेत, परंतु जिम सदस्यता घेणे आणि नियमित राहणे याबाबतीत महाराष्ट्रातही खूप जास्त तफावत आढळून येते. उद्योग सर्वेक्षणांनुसार, मुंबईतील २५% ते ३०% लोक दरवर्षी पुन्हा सदस्यता नोंदणी करतात परंतु पहिल्या काही महिन्यांनंतर ते नियमितपणे जाणे थांबवतात. महाराष्ट्रातही असेच ट्रेंड दिसून येतात, जिथे पहिल्यांदाच जिममध्ये जाणारे लोक लांब प्रवास, कामाचे जास्त तास, जीवनशैलीतील बदल किंवा फक्त प्रेरणा नसल्यामुळे त्यांचे सातत्य गमावतात.

बी फिट फेस्ट ४.० सह, एनीटाइम फिटनेसचे उद्दिष्ट आहे महाराष्ट्रातील हजारो लोकांना त्यांच्या फिटनेस ध्येयांशी पुन्हा जोडणे. हे अभियान त्यांना आठवण करून देते की मार्गावरून भटकणे सामान्य आहे, परंतु पुन्हा त्याच मार्गावर परत येण्यानेच फरक पडतो. अधिक माहिती एनीटाइम फिटनेस वेबसाइट आणि त्यांच्या सोशल मीडिया प्लॅटफॉर्मवर उपलब्ध आहे.